“Qarabağ”ın sabiq hücumçusu Olavio Juninyo hazırda çıxış etdiyi Meksikanın “UNAM Pumas” klubu ilə Ağdam təmsilçisi arasında maraqlı müqayisə aparıb.
Meksika mətbuatına açıqlama verən braziliyalı forvard özünü yeni komandasında çox xoşbəxt hiss etdiyini bildirib: “Meksikada hər ötən gün özümü daha yaxşı hiss edirəm, adaptasiya prosesi çox sürətli gedir. Burada mənə eynilə Azərbaycandakı kimi rahatdır. “Qarabağ”da olduğu kimi, “Pumas”da da komanda yoldaşlarımla artıq yüksək səviyyəli anlaşma əldə etmişik. İndi əsas hədəfim qollar vurmaq və komandamın məqsədlərinə çatmasına kömək etməkdir”.
Xatırladaq ki, 29 yaşlı hücumçu 2023-cü ilin yayından 2025-ci ilin əvvəlinə qədər “Qarabağ”ın formasını geyinib. O, Meksika klubuna keçdikdən sonra çıxdığı ilk 5 oyunda 2 qol və 2 məhsuldar ötürmə ilə yadda qalaraq yüksək performans nümayiş etdirib.