1/8 finalın ən bərabər cütü öz statusunu doğrultdu. İsveçrə və Kolumbiya yığmaları matçın böyük hissəsində başabaş mübarizə apardılar. Bəzən üstünlük avropalılarda olurdu, daha çox isə cənubi amerikalılarda. Lakin heç kim hesab tablosunda əks olunacaq qədər ciddi üstünlük qazana bilmədi. Oyunu izləmək bəzi anlarda çətin idi – rəqiblər açıq-aşkar səhv etməkdən qorxur, buna görə də riskə getmək istəmirdilər. Kimsə açılıb hücum fəallığı göstərəndə isə onu tez soyudur, oyun yenidən bərabər və ehtiyatlı mübarizəyə qayıdırdı.

Oyun yalnız əlavə vaxtda həqiqətən rəngarəngləşdi; Kolumbiya İsveçrə üzərində ciddi təzyiq qurdu. Ancaq onları sıxıb qələbəni qoparmaq mümkün olmadı. Oyunun taleyi penaltilər seriyasında həll olundu və burada cənubi amerikalılar iki, avropalılar isə bir səhvə yol verdilər. Nəticədə İsveçrə növbəti mərhələyə yüksəldi.

Beləliklə, İsveçrə millisi 1954-cü ildən bəri tarixində ilk dəfə dünya çempionatının dörddəbir finalına vəsiqə qazandı!

1/4 finalda onları Argentina gözləyir və orada İsveçrə heç də favorit olmayacaq. Üstəlik, yorğunluq amili də yəqin ki, öz sözünü deyəcək – isveçrəlilər artıq bu əlavə vaxtda xeyli taqətdən düşmüş görünürdülər.

Dünya Kuboku, 1/8 final

İsveçrə – Kokumbiya 0:0, penaltilərlə 4:3

Vamkuber. “Bi-Si-Pleys” stadionu. 52497  tamaşaçı.

Hakim: İvan Barton (Salvador)

İsveçrə: Kobel, Zakariya (Vidmer, 87), Elvedi, Akanci, Rodriqes (Muhaym, 71), Caka, Froyler, Rider (Amduni, 103), Yaşari (Sou, 46), Ndoy (Varqas, 90+2), Embolo (İtten, 87).

Kolumbiya: Varqas, Munyos, Dav. Sançes, Lukumi (Mina, 119), Moxika, Puerta, Lerma (Rios, 82), Arias (Kampas, 66), Xames Rodriqes (Kintero, 66), Luis Suares (Rios, 82), Luis Dias.

Sarı vərəqələr: Caka, 51. Zakariya, 59. Luis Suares, 60. Dav. Sançes, 94. Muhaym, 105.

Penaltirlər:

Kintero – 0:1
Caka – 1:1
Davş Sançes – 1:1 (qapıçı)
Amduni – 2:1
Kampas – 2:2
Akanci – 2:2 (yan)
Ernandes – 2:2 (qapıçı)
İtten – 3:2
Luis Dias – 3:3
Varqas – 4:3