İsveçdə kənd komandası çempion oldu

İsveçdə tarixi hadisə baş verib. Əhalisinin sayı heç 2 000-ə çatmayan bir kəndin komandası ölkə çempionu olub. “Myallbyü”nü dünya futbolunda çəkisi olan İsveç kimi ölkənin çempionatında qələbəyə daşıyan baş məşqçi Andres Tortesson həm də məktəb direktorudur. Məsələ təkcə tarixi və unikal qələbəylə bitmir. Klubun transfer siyasətinə nəzər salsaq maraqlı rəqəmlərə rast gələrik. 2024/2025 mövsümündə klubun transfer siyahısında 33 futbolçunun adı düşüb. Kənd klubu 17 oyunçunu sıralarına qoşub. Yeni gələnlərə görə “Myallbyü”nün rəhbərliyi 1,12 milyon avro xərcləyib. Başqa klublara keçən oyunçulara görə klubun hesabına 3,20 milyon avro köçürülüb. “Kəndlilər” ağıllı transfer siyasəti hesabına 2.80 milyon avro qazanc əldə ediblər. Heç 2 min əhalisi olmayan kənd komandası bizim futbol funksionerlərinə örnək olmalıdır. Bizim futbolda milyonlar xərclənsə də, “Myallbyü” kimi özünü dolandıra bilən klub yoxdur. Nəinki yoxdur, hətta işi-gücü dövləti ziyana salmaqdır. “Myallbyü” hekayəsi sübut edir ki, böyük pullar xərcləyib xaricdən məşqçi və oyunçu gətirməklə inkişaf etmək ideyası saxtakarlıqdır.