Dünya çempionatının 1/4 final mərhələsi çərçivəsində keçiriləcək Fransa – Mərakeş matçı öncəsi Parisdə və ölkə daxilində xüsusi təhlükəsizlik əməliyyatlarına start verilib. Keçmişdə baş verən kütləvi iğtişaşların təkrarlanmasını istəməyən Fransa hakimiyyəti qarşıda duran oyunu “yüksək riskli tədbir” kateqoriyasına daxil edib.

Xatırladaq ki, DÇ-2022-nin yarımfinalındakı analoji matçdan sonra baş verən qarşıdurmalarda 266 nəfər (167-si Parisdə) həbs olunmuşdu. Bu il Çempionlar Liqasının finalında PSJ-nin “Arsenal” üzərindəki qələbəsindən sonra isə xaos daha da böyümüşdü; *”The Athletic”*in məlumatına görə, ölkə üzrə 900-dən çox şəxs saxlanılmış, yüzlərlə insan xəsarət almışdı. Mümkün kütləvi iğtişaşların qarşısını almaq məqsədilə Daxili İşlər Nazirliyi profilaktik tədbirlərin gücləndirilməsi barədə xüsusi göstəriş verib. “Le Parisien” xəbər verir ki, Paris polisi asayişə nəzarəti təmin etmək üçün havadan dronlardan istifadə edəcək, eyni zamanda pirotexniki vasitələrin və atəşfəşanlıq məhsullarının satışı ilə daşınmasına ciddi məhdudiyyətlər tətbiq olunacaq. Hələ turnir başlamazdan əvvəl ölkəboyu iğtişaş riski ilə bağlı xəbərdarlıq edən polisiya idarəsi, “Le Monde” qəzetinin yazdığına görə, təhlükəsizlik tədbirlərini maksimum həddə çatdırıb.Fransa hüquq-mühafizə orqanları bütün imkanları səfərbər edərək prinsipal matçın idman bayramı çərçivəsində keçməsini və yeni xaosun yaranmamasını hədəfləyir.