Almaniya və Niderlanddan fərqli olaraq Fransa bu mərhələdə problemlə üzləşmədi. Didye Deşamın komandası öz səviyyəsini qoruduğunu və yüksək oyun keyfiyyətini itirmədiyini nümayiş etdirdi.

Fransızlar matç boyu oyuna nəzarət edir, rəqibə təzyiq göstərirdilər. Düzdür, ilk dəqiqələrdə tempi çox yüksəltmirdilər və bu, İsveçə müəyyən ümidlər verirdi. Ancaq zaman keçdikcə Fransanın təzyiqi getdikcə gücləndi. Fransızlar iki dəfə rəqib qapısının dirəyini nişan aldılar, çoxsaylı qol epizodları yaratdılar və nəhayət, fasiləyə az qalmış Kilian Mbappenin qolu ilə hesabı açdılar.

İkinci hissənin əvvəlində Barkolya fərqi artırdı. Qalan dəqiqələrdə fransızlar topa və meydanın böyük hissəsinə tam nəzarət edərək rahat oyun nümayiş etdirdilər. Onlar daha bir neçə dəfə fərqlənə bilərdilər. Mbappe isə sonda öz hesabına daha bir qol yazdıraraq darmadağını rəsmiləşdirdi.

1/8 finalda Fransa daha əvvəl Almaniyanı mübarizədən kənarlaşdıran Paraqvayla qarşılaşacaq.

Dünya Kuboku, 1/16 final

Fransa – İsveç 3:0
İst-Raterford. «Metlayf» stadionu. 80663 tamaşaçı.
Hakim: Danni Makkeli (Niderland)
Fransa: Menyan, Kunde (Güsto, 75), Upamekano, Saliba, Din (Ernandes, 78), Çuameni, Rabio, Dembele (Due, 75), Olise (Şerki, 75), Barkolya, Mbappe (Mateta, 85).
İsveç: Videl-Setterstrem, Dan. Svensson (Svanberq, 82), Laqerbilke, Qudmundsson, Elanqa, Berqval (Zeneli, 66), Ayyari (Nyuqren, 82), Strud (Ali, 66), Dyekereş, İsak (Qustaf Nilsson, 90).

Qollar: Mbappe, 45; 74. Barkolya, 53.