FİFA dünya çempionatının pley-off mərhələsi öncəsi penalti seriyası ilə bağlı qaydalara radikal dəyişiklik etməyə hazırlaşır. Qurumun turnirin ortasında belə bir addım atması idman dünyasında böyük maraq doğurub.
Hazırkı qaydalara görə, penalti seriyasından əvvəl püşk (bəxt sikkəsi) iki dəfə atılır: birinci püşk qapının seçilməsini, ikinci püşk isə zərbələrə ilk başlayacaq komandanı müəyyən edir. FİFA Hakimlər Komitəsinin rəhbəri Pyerluici Kollinanın təşəbbüsü ilə artıq tək püşkdən istifadə olunacaq.
Yeni sistem necə işləyəcək? Püşkü qazanan kapitan zərbələrin hansı qapıya vurulacağını seçəcək, digər komandanın kapitani seriyaya hansı tərəfin başlayacağına qərar verəcək.
Ali futbol qurumu hesab edir ki, bu dəyişiklik penalti seriyasında psixoloji üstünlüyü tarazlaşdıracaq və tərəflər üçün şansları tam bərabərləşdirəcək.