Bu oyunda İspaniya millisi favorit saylsa daŞ Portuqaliyanın da şanslarının olduğu bildirilirdi. Şübhəsiz ən böyük sual Kriştiano Ronaldonun dünya çempionu olub-olmayacağı ilə bağlı idi. Etioraf edək ki, portəgizlər heç də pis başlamadı və hətta zaman-zaman topa sahib olmada, hücumların sayında rəqiblərini üstələdi. Lakin ispanların hər hücumu göstərirdi ki, bu komandanın oyunçularının ustalıq səviyyəsi daha üstündür. Onlar iki dəfə Dioqu Koştanın qapısı önündə təhlükəli vəziyyət yaratdı. Hər iki epizodda Mikel Oyarsabal fərqlənməyə yaxın idi: ilk zərbəni qapıçı ciddi çətinlik çəkmədən dəf etdi, daha sonra isə Oyarsabal təkbətək vəziyyətə çıxsa da, uzaq küncü nişan ala bilmədi. Ardınca ispanların sürətli hücumu zamanı Diogu Koşta Lamin Yamalın küncə yönəlmiş zərbəsini qaytardı, daha sonra isə cəld ayağa qalxaraq Aleks Baenanın tamamlayıcı zərbə ilə fərqlənməsinə imkan vermədi.
Birinci hissənin sonlarında portuqaliyalılar hesabı açmağa çox yaxın oldular. Nunu Mendeşin zərbəsindən və Pedro Porrorun toxunuşundan sonra top qapı tirinə dəyərək geri döndü.
İkinci hissənin əvvəlində isə Portuqaliya ciddi itki ilə üzləşdi. Meydanın hər yerində görünən və ən yaxşı oyunlarından birini keçirən Nunu Mendeş zədələndi. Onu əvəzləyən Nelson Semedunu asanlıqla keçən Lamin Yamal cərimə zərbəsindən qüvvətli zərbə endirdi, lakin Diogu Koşta topu tir altından çıxarmağı bacardı. Portuqaliyalılarda Bruno Fernandeş də fərqlənə bilərdi. O, Mark Kukurelyanın cərimə meydançasında bədənini düzgün qoyaraq zərbə endirsə də, top qapının yalnız yan toruna dəydi. Hər kəsin əlavə 30 dəqiqəyə hazırlaşdığı bir vaxtda Ferran Torres Mikel Merinonu qapı ilə üz-üzə çıxardı və o, yaxın küncü dəqiq nişan alaraq qələbə topunu vurdu. Vaxta az qalsa da, Bernardu Silva hesabı bərabərləşdirmək şansı qazandı, amma başla vurduğu zərbə qapı tirinin üzərindən keçdi. İspaniya 1/4 finala yüksəldi.
Dünya Kuboku, 1/8 final
Portuqaliya – İspaniya 0:1
Dallas. “AT & T” stadionu.
Hakim: Entoni Teylor (İngiltərə)
Portuqaliya: Diequ Koşta, Joau Kanselu (Dalot, 71), Renato Veyqa, Ruben Diaş, Nunu Mendeş (Semedu, 56), Joao Neveş, Vitinya (Bernardu Silva, 83), Bruno Fernandeş, Pedru Netu (Konseysau, 83), Ronaldu, Joao Feliks (Leao, 71).
İspaniya: Unai Simon, Porro, Kubarsi, Laport, Kukurelya, Rodri, Pedri (Ruis, 85), Yamal, Dani Olmo (Merino, 85), Baena (Ferran Torres, 75), Oyarsabal (İqlesias, 90).
Qol: Merino, 90+1.
Sarı vərəqələr: Bernardu Silva, 89. Veyqa, 90+4. Ferran Torres, 90+8.