Ölkəmizin klublarının avrokuboklardakı taleyinə aydınlıq gətirəcək böyük püşkatma marafonu start götürür. Bu gün İsveçrənin Nyon şəhərində qitənin ən nüfuzlu klub turniri olan UEFA Çempionlar Liqasının (ÇL) 3-cü təsnifat mərhələsinin püşkü atılacaq. Bakı vaxtı ilə saat 14:00-da başlayacaq mərasimdə ölkəmizi bu turnirdə təmsil edən “Sabah”ın da potensial rəqibləri müəyyənləşəcək. Qeyd edək ki, bu mərhələnin ilk oyunları avqustun 4-ü və ya 5-də, cavab qarşılaşmaları isə avqustun 11-də keçiriləcək.

“Bayquşlar” səpilməmişlər səbətində: Siyahıda kimlər var?

Çempionlar Liqasının 2-ci təsnifat mərhələsində Finlandiyanın KuPS klubu ilə gücünü sınayacaq “Sabah”, 3-cü mərhələnin püşkatmasında səpilməmişlər səbətində yer alıb. Təmsilçimiz bu raundu uğurla keçəcəyi təqdirdə, səpələnmişlər səbətindəki 6 cütlükdən birinin qalibi ilə üz-üzə gələcək.

“Bayquşlar”ın Çempionlar Liqasındakı mümkün rəqibləri bu cütlüklərin güclüləridir:

“Larn” (Şimali İrlandiya) – “Tsrvena Zvezda” (Serbiya)

“Tun” (İsveçrə) – “Dinamo” (Zaqreb, Xorvatiya)

“İberiya 1999” (Gürcüstan) – “Slovan” (Bratislava, Slovakiya)

“Orxus” (Danimarka) – “Lex” (Polşa)

“Eqnatiya” (Albaniya) – “Tsele” (Sloveniya)

“Omoniya” (Kipr) – “Kayrat” (Qazaxıstan) Saat 14:00-da Nyonda keçiriləcək püşkatmada ölkə vitse-çempionumuza uğurlu püşk və Çempionlar Liqası yolunda tarixi uğurlar arzulayırıq!