“Barselona” 4-cü formasının təqdimatını keçirib. Tədbirin noyabrın 19-a keçirilməsi təsadüfi deyil. Belə ki, kataloniyalılar yeni formanı 20 il öncə, həmin gün əbədi rəqibi “Real” üzərində qazanılan qələbəyə (3:0) həsr edib. Futbolka azarkeşlərinə həmin qələbəni xatırladacaq.

Həmin axşam “Barsa” bütün dünya üçün əsl futbol modelinə çevrilən oyunda əbədi rəqibini məğlub etmişdi. Bu, müasir tarixin ən yaxşı “El Klasiko”larından biri, “Barselon”a üçün dövr dəyişikliyinə ilham verən və tarixinin ən parlaq dövrünə qədəm qoyduğunun xəbərçisi olan oyun idi.

Yeni formada olan şaquli zolaqlar həmin qarşılaşmada Samuel Eto’o və Ronaldinyonun vurduğu qolların trayektoriyasını əks etdirir. Yaxalığın içərisindəki üç dairə isə qolların vurulduğu dəqiqələri göstərir (14, 58 və 77). Bundan başqa, futbolkada Kataloniyanın bayrağı təsvir olunub. 4-cü formanı komandanın ingilis hücumçu Markus Reşford təqdim edib. Gecənin şüarı “Futbol incəsənət”dir olub. Futbolkanın almaq istəyənlər 164,99 avro ödəməli olacaqlar.