İlk oyunda İsveçrə ilə heç-heçə edərək çoxlarını təəccübləndirən Qətər bu dəfə fiaskoya uğradı. Meydan sahibləri Kanada hələ ilk turda Bosniya ilə görüşdə yaxşı təsir bağışlamışdı. Bu oyunda kanadalılar aşkar üstün oynadılar və artıq ilk yarıda qələbəni təmin etdilər. Qətərlilər 33-cü dəqiqədə azlıqda qalmaqla işlərini lap çətinə saldılar. Lakin ikinci yarının əvvəlində ərəblərin işi lap çətinləşdi. Bu dəfə Madibo kobud səhvə görə qovuldu və 9 nəfərlə Qətərin müqaviməti tam sındı. Bu epizodda Kanadanın aparıcı oyunçularından biri Konenin zədələnməsi bütün komandanı üzdü. Kanada dünya çempionatları tarixində ən böyük hesablı qələbəsini qazandı.

Dünya Kuboku, B qrupu, 2-ci tur

Kanada – Qətər 6:0

Vankuver. “Bi-Si Pleys” stadionu.

Hakim: Kristian Qaray (Çili).

Kanada: Krepo, Conston, de Fujrol (Şaffelberq, 71), Kornelius (Bombito, 46), Lareya, Byükenen (Siqur, 83), Euştakiu, Kone (Saliba, 57), Ali Ahmed (Oluvaseyi, 71), Larin, Devid.

Qətər: Abunada, Al Ui, Migel, Xuxi, Xomam Ahmed, Qaber (Fathi, 46/Mendes, 87), Madibo, Lay, Junior (Al Mannay, 46), Abdurisaq (Al Brake, 40), Afif (Al Husseyn, 59).

Qollar: Larin, 16. Devid, 29; 45+3; 90+2. Saliba, 64. Al Mannay, 75-avtoqol.

Sarı vərəqələr: Kornelius, 9. Fathi, 62.

Qırmızı vərəqələr: Xomam Ahmed, 33. Madibo, 53.