Son tur öncəsi Kanada və İsveçrə daha əlverişli vəziyyətdə idi. Bu komandalar öz aralarında heç-heçə etdiyi halda Bosniya-Qətər oyununun nəticəsindən asılı olmayaraq ilk iki yeri bölüşəcəkdilər. Lakin bu halda İsveçrə qrup ikincisi olacaqdı. Çünki, Kanadanın top fərqi daha yaxşı idi. Elə bu səbəbdən də İsveçrə nisbətən fəal və istəkli idi. İlk yarıda Kanada qarşıya qoyulan məqsədə nail oldu. Lakin ikinci hissə başlayar-başlamaz meydan sahibləri şok yaşadı. İsveçrənin sürərli hücumu qolla nəticələndi. Bosniya isə Qətərlə oyunda üstün oynayaraq 2:1 öndə idi. Bu hesabla Kanda ikinci yerdə qalırdı. Qətərin qapısına vurduğu 6 cavabsız top Kanadanın işinə yarayırdı. Kanadalılar fəallaşmaq istəsə də, cəmi 10 dəqiqə sonra Murat Hakının komandası hesabı artırdı. Embolo əlverişli mövqeyə çıxdı, amma ləngidi, əvəzində Manzambini zərbə mövqeyinə çıxardı. Sonuncunun zərbəsi zamanı qapıçı Krepo inamsız oynadı. Bu qoldan sonra edilən əvəzetmələr köməyə gəlməsə də, növbəti əvəzetmə oyuna təsir etdi. Promis Devid oyuna girər-girməz fərqi azaltdı. Bununla da oyun canlandı. Bosniya paralel oyunda 80-ci dəqiqədə 3-cü qolu vurmaqla qələbəni faktiki olaraq təmin etdi. Lakin, 2-ci sıraya çıxmaq üçün Bosniyaya 3 qol kömək etmirdi. Kanada son dəqiqələrdə çalışsa da, cavab qolunu vura bilmədi. Beləliklə, məğlubiyyətə rəğmən Kanada qrup ikincisi oldu. İsveçrə isə qrupu lider kimi tamamladı. Bosniya isə bu qələbə hesabına 3-cü yeri tutan ən yaxşı 8 komanda sırasına daxil olmaq şansını artırdı.
Dünya Kuboku, B qrupu, 3-cü tur
İsveçrə – Kanada 2:1
Vankuver. Bi Si Pleys stadionu.
Hakim: Ramon Abatti (Braziliya)
İsveçrə: Kobel, Hakes (Vidmer, 74), Elvedi, Akanji, Rodriqes, Froyler, Caka, Manzambi (Fassnaxt, 85), Sou (Abişer, 74), Varqas (Ndoye, 80), Embolo (İtten, 85).
Kanada: Krepo, Conston, De Fujrol, Kornelius, Lareya (Şaffelburq, 83), Byukenen (Promis Devid, 75), Şaunyer (Eustaqiuo, 58), Saliba, Ahmed (Millar, 58), Devid, Larin (Oluvaseyi, 58).
Qollar: Varqas, 46. Mamnambi, 56 – Promis Devid, 76.
Sarı vərəqələr: Caka, 32. Larin, 32. Millar, 87.
***
Bosniya – Qətər 3:1
Sietl. Lümen Fild stadionu.
Hakim: Xesus Valensuela (Venesuela)
Bosniya: Vasil. Radeliç, Katiç (Hajikaduniç, 63), Maliç (Memiç, 45), Kolaşinats, Bayraktareviç, Şuniç (Tahiroviç, 45), Başiç, Alaybeqoviç (Burniç, 82), Demiroviç, Ceko (Mamiç, 64).
Qətər: Abunada, Miqel, Xuxi, Lay, Əl-Brake, Qaber (Hatem, 45), Fathi (Əl-Mannai, 79), Budiaf (A. Ali, 72), Əl-Haydos, Afif, Junior (Alaeldin, 79).
Qollar: Alaybeqoviç, 29. Əl-Brake, 34-avtoqol. Mamiç, 80 – Əl-Haydos, 42.
Sarı vərəqələr: Fathi, 78. Mamiç, 82.
