Premyer Liqanın XXX turunda “Sabah”a 0:3 hesabı ilə məğlub olan “Şamaxı”nın baş məşqçisi Ayxan Abbasov qarşılaşmadan sonra mətbuat konfransında çıxış edib. Təcrübəli mütəxəssis məğlubiyyəti şərh edərək, rəqibi çempionluq münasibətilə təbrik edib.

​Abbasov ilk növbədə rəqibin uğurunu xüsusi qeyd edib: ​”İlk növbədə “Sabah”ı çempionluq münasibətilə təbrik edir, onlara gələcək oyunlarda uğurlar arzulayıram. Azarkeşlərimizə bizi sonadək dəstəklədikləri üçün minnətdaram”.

​Baş məşqçi oyunun gedişatına təsir edən əsas amillərdən birinin məcburi əvəzləmə olduğunu bildirib: “Sezarın zədələnərək meydanı tərk etməsi oyunun qırılma nöqtəsi oldu. Bu itki planlarımıza ciddi təsir etdi. Bu gün gənc futbolçularımıza şans verdik. Qol epizodları yaratsaq da, “Sabah” kimi güclü rəqibə qarşı oynamaq kifayət qədər çətindir”.

​Məğlubiyyətə baxmayaraq, Ayxan Abbasov qalan turlarda maksimum nəticə üçün çalışacaqlarını vurğulayıb: ​”Önümüzdə hələ üç oyun var. Çalışacağıq ki, mövsümü mümkün qədər yüksək notda və yaxşı nəticələrlə başa vuraq”.