Almaniyanın Münxen şəhərində taekvondo üzrə böyüklər arasında keçirilən Avropa çempionatı davam edir. Qitənin ən güclü idmançılarının bir araya gəldiyi turnirdə ölkəmiz 9 idmançı ilə təmsil olunur.

Yarışın növbəti günündə Azərbaycan yığmasının üç üzvü dayanq üzərinə çıxıb. Kişilərin mübarizəsində Sayad Dadaşov (54 kq) və Cavad Ağayev (74 kq), qadınların yarışında isə Səmərruh Osmanova (49 kq) qüvvəsini sınayıb.

Start görüşlərinin nəticələrinə görə, 54 kq çəki dərəcəsində mübarizə aparan Sayad Dadaşov ilk rəqibinə qalib gələrək 1/8 finala yüksəlməyi bacarıb. Təəssüf ki, qadın taekvondoçumuz Səmərruh Osmanova üçün turnir uğurlu başlamayıb; o, ilk mərhələdə rəqibi ilə bacarmayaraq mübarizəni dayandırıb. Cavad Ağayevin isə növbəti mərhələ üçün mübarizəsi davam edir.

Çempionatın geridə qalan günləri komandamız üçün hələlik uğursuz olub. Hazırda aktivində medal olmayan yığmamızın əsas ümidi növbəti mərhələlərə vəsiqə qazanan təmsilçilərimizədir. Yarışın son günlərində idmançılarımızın medal qazanmaq şansı qalır.