Lionel Messinin beynəlxalq karyerasını bitirməsi ilə bağlı qərarından bir gün sonra Antonio Rüdiger də analoji addım atıb. 33 yaşlı müdafiəçi Almaniya yığması ilə vidalaşdığını rəsmən elan edib.

Təcrübəli futbolçu bu qərarını sosial şəbəkə hesablarında izləyiciləri ilə bölüşüb: “Bir müddət düşündükdən sonra millidəki karyeramı bitirmək və gənc nəslə yol açmaq qərarına gəldim”.

Rüdiger Almaniya yığmasına 2014-cü ildə dəvət alıb və bu müddətdə ümumilikdə 86 matçda meydana çıxıb.

Rüdigerin millidəki karyerası böyük titullarla yadda qalmayıb. O, Almaniyanın çempion olduğu DÇ-2014-də iştirak ərizəsinə düşə bilməyib, “Bundestim”in sonuncu dəfə yarımfinala qədər irəlilədiyi Avro-2016-nı isə zədə səbəbindən buraxmalı olub.

Rüdiger sonrakı bütün böyük turnirlərdə iştirak etsə də, bu yarışlar Almaniya üçün gözlənilən nəticəni verməyib. O cümlədən, alman futbolçu yığmanın böyük turnirlərdəki uğursuzluq dövrünün bir növ simvollarından birinə çevrilib.

Müdafiəçi yığma formasında sonuncu dəfə Paraqvaya qarşı matçda meydana çıxıb və həmin görüşün 110-cu dəqiqəsində əvəzlənib.