Dünya çempionatının rəsmi açılışından dərhal sonra “A” qrupunda kartlar yenidən paylandı. Meksika və Cənubi Afrikanın yer aldığı bu çətin qrupda ilk turun ən maraqlı və proqnozlaşdırılması çətin qarşılaşması baş tutdu. FIFA reytinqində 25-ci pillədə qərarlaşan Cənubi Koreya, 20 illik həsrətdən sonra mundiala qayıdışını 40-cı sırada yer alan Çexiya üzərində qələbə ilə qeyd etdi.
Bu vaxta qədər rəsmi turnirlərdə heç vaxt qarşılaşmayan bu iki fərqli futbol məktəbinin yoldaşlıq görüşlərindəki statistikası tamamilə bərabər idi: hərəyə 1 qələbə və 1 heç-heçə. Bu dəfə koreyalılar heç-heçəyə imkan vermədi. Çexiyanın oyunun məntiqinə qolundan sonra asiyalılar özündə güc taparaq gedişatı öz xeyirlərinə dəyişə bildi. Oyunun qəhramanı bir qol və bir assistlə “Feyenoord”lu Hvan İn Bom oldu.
DÇ-2026-nın final mərhələsi
A qrupu, I tur
Cənubi Koreya – Çexiya 2:1
Stadion: “Estadio Akron” (Sapopan, Meksika)
Baş hakim: Amin Omar (Misir)
Cən. Koreya: Kim ın Gyu, Sol Yon U, Li Han Bom, Kim Min Ce, Li Gi Hyok, Li The Sok (Om Co Son, 69), Hvan İn Bom (Kim Cin Gyu, 84), Pek Sın Ho (Pak Cin Sol, 84), Li Kan İn, Li Ce Son (Hvan Hi Çhan, 62), Son Hın Mın (O Hon Gyu, 69).
Çexiya: Kovarj, Tsoufal, Haloupek, Qranaç, Kreyçi, Zeleniy, Souçek, Soyka (Hitil, 84), Provad (Sdilek, 64), Şults (Qlojek, 64), Şik (Horı, 64).
Qollar: Kreyçi, 59 (0:1). Hvan İn Bom, 67 (1:1). O Hen Gyu, 80 (2:1).