ÇL: Dumanlı Albionun qara çərşənbəsi

11.03.26 | 21:00
Dünya futbolu

Britaniya futbolu şokda! Çempionlar Liqasında son oyun günü İngiltərə klubları üçün fəlakətlə nəticələndi. “Real”ın Madriddəki “Valverde fırtınası”, PSJ-nin Parisdəki intiqamı və “Arsenal”ın Leverkuzen sınağındakı acizliyi göstərdi ki, ingilislərin builki Avropa hegemonluğu arzusu elə 1/8 finaldaca iflasa uğraya bilər.

Bukmekerlərin turnirin əsas favoriti hesab etdiyi “Arsenal”, Leverkuzendə heç də yaxşı təsir bağışlamadı. Meydan sahiblərinin üstün oynadığı və Andrihin qolu ilə hesabda irəli çıxdığı matçda londonlular yalnız matçın sonuna yaxın məğlubiyyətdən qaça bildilər. Meydana təzə daxil olan Maduekenin qazandığı penaltini sabiq “Bayer”li Kay Haverts qola çevirərək komandasına heç-heçə qazandırdı. “Topçular”ın Leverkuzendəki inamsız çıxışı bukmeker kontorlarının favoritlərlə bağlı proqnozlarını alt-üst edə bilər.

Xosep Qvardiola üçün tarixi gecə (ÇL-də 190-cı oyununa çıxaraq Aleks Ferqyusonun rekordunu təkrarladı) ağır məğlubiyyətlə yadda qaldı. Federiko Valverde hələ ilk hissədə het-trik edərək “Siti”ni darmadağın etdi. Matçın maraqlı anlarından biri “Real”ın qapıçısı Tibo Kurtuanın həm qol ötürməsi verməsi (ÇL tarixində qapıçılar arasında rekord – 3-cü asist), həm də komandasının gənc müdafiəçisinin səhvini möhtəşəm seyvlə sığortalaması oldu.

Klublararası Dünya Çempionatının finalındakı məğlubiyyətin qisasını alan PSJ, London təmsilçisini böyük hesabla üstələdi. “Çelsi” hesabı 2:2-yə çatdırıb oyuna qayıtsa da, son 15 dəqiqədə yorğunluq və qapıçı Yorgensenin kobud səhvi hər şeyi alt-üst etdi. Meydana sonradan daxil olan Xviça Kvaratsxeliya dubl edərək “Çelsi”nin ümidlərini dəfn etdi.

Turnirin əsas sensasiyası olan Norveç klubu nağılına davam edir. Əvvəlki mərhələlərdə “Mançester Siti”, “Atletiko” və “İnter” kimi nəhəngləri məğlub edən “Bude Qlimt”, evdə Lissabon təmsilçisini də inamlı hesabla keçərək Çempionlar Liqasında qələbə seriyasını 5 oyuna çatdırdı.

“Bayer” – “Arsenal” 1:1

Andrix, 46 – Haverts, 89-p.

PSJ – “Çelsi” 5:2

Barkolya, 10. Dembele, 40. Vitinya, 74. Kvaratsxeliya, 86;90+4 – Qyüsto, 28. Fernandes, 57.

“Real” – “Mançester Siti” 3:0

Valverde, 20; 27; 42.

“Bude Qlimt” – “Sportinq” 3:0

Brustad-Fet, 32-p. Blomberq, 45+1. Heq, 71.

Paylaş:

Xəbər Lenti

Millimiz üç pillə irəliləyb

01.04.26 | 18:21

DÇ-2026-nın bütün iştirakçıları bəlli oldu: 48 komanda, 12 qrup

01.04.26 | 17:12

Qələbənin illüziyası: Syerra-Leone səddi və futbolumuzun acı reallığı

01.04.26 | 10:15

Türkiyə 24 illik həsrətə son qoydu, İtaliya yenə mundialdan kənarda qaldı

01.04.26 | 06:59

Toppuşun arzusu

31.03.26 | 09:04

Hakan Çalhanoğlu millini hədəf alanlara meydan oxudu: “Bizi bölə bilməyəcəksiniz!”

31.03.26 | 06:55

Ayxan Abbasovdan qələbə sonrası səmimi etiraflar: “Bu oyun bizə ciddi siqnallar verdi”

30.03.26 | 23:49

Millimiz Syerra-Leone “səddini” penaltilərlə keçdi

30.03.26 | 21:46

Arda və Duru obyektivlərə tuş gəlib

30.03.26 | 19:04

Osimhen zədəni unutdu: “Fənərbaxça”ya qarşı sahədə olacaq

30.03.26 | 19:14

Montella müdafiə səddi qurur: Kosovo səfərində yeni taktiki seçim

30.03.26 | 18:32

Gimnastlarmız Avropa zirvəsini hədəfləyir

30.03.26 | 18:18

Üç oyundan üç heç-heçə: U-17 seçmə mərhələ ilə vidalaşdı

30.03.26 | 18:45

Syerra-Leone qarşılaşması millimizə nə vəd edir?

30.03.26 | 08:33

Sablyaçılarımız Dünya Kubokunu ilk onluqda başa vurdu

30.03.26 | 07:29

Ayxan Abbasov: “Millidə ‘birinci’ və ‘ikinci’ heyət anlayışını yox etmək istəyirik”

29.03.26 | 20:19

Boksçularımız İstanbul turnirinə yollanır

29.03.26 | 17:29

Slovakiya səfəri öncəsi şok: Rumıniya millisi baş məşqçisiz qalıb

29.03.26 | 17:09

Miroslav Stupar: Ukrayna millisinə “Neftçi”nin baş məşqçisini məsləhət gördü

29.03.26 | 15:48

Pike Messi və Ronaldunu müqayisə etdi: “Biri maşın, digəri dahi”

29.03.26 | 14:13