Səudiyyə Ərəbistanının “Əl-Nəsr” klubunda çıxış edən portuqaliyalı ulduz Kriştiano Ronaldo Ramazan ayının gəlişi ilə maraqlı addımı ilə gündəmə gəlib. Səudiyyə mətbuatının verdiyi məlumata görə, ulduz futbolçu müsəlman komanda yoldaşlarına dəstək olmaq və onların yaşadıqlarını hiss etmək üçün oruc tutmağa başlayıb.
Ronaldo komanda daxilindəki mənəvi bağı gücləndirmək və oyunçular arasında qardaşlıq hissini artırmaq məqsədilə bu təcrübəyə qatılıb.
Təcrübəli oyunçunun komanda yoldaşları ilə birlikdə sahur və iftar proqramlarında iştirak etdiyi bildirilir. Oruc tutmasına baxmayaraq, portuqaliyalı ulduz peşəkar məşqlərini fasiləsiz və tam tempdə davam etdirir. Ronaldonun bu jestinin “Əl-Nəsr” futbolçuları arasında motivasiyanı əhəmiyyətli dərəcədə artırdığı qeyd olunur.