UEFA Çempionlar Liqasının 1/8 final mərhələsində “RAMS Park” stadionunda İtaliya nəhəngi “Yuventus”u 5-2 hesabı ilə darmadağın edən “Qalatasaray”, öz meydanında italyan klublarına qarşı inanılmaz seriyasını davam etdirir. Bu möhtəşəm qələbə ilə “sarı-qırmızılılar” İtaliya təmsilçilərinə qarşı keçirdiyi son 13 ev oyununda 9-cu qələbəsini qazanıb (4 oyun isə heç-heçə bitib).”Cim-Bom” doğma meydanda İtaliya klublarına sonuncu dəfə 1963-cü il yanvarın 23-də məğlub olub. Həmin tarixdə Çempionlar Kubokunun 1/4 final mərhələsinin ilk oyununda “Milan”a 1:3 hesabı ilə yenilən “Aslanlar”, o gündən bəri öz azarkeşləri önündə italyanlara boyun əymir.