Belçikada keçirilən beynəlxalq açıq cüdo turniri başa çatıb. Yarışın ikinci və sonuncu günündə idmançılarmız daha 4 medal qazanıblar.

 Vize şəhərində keçirilən kişilərin mübarizəsində Yaşar Nəcəfov (66 kq) bütün rəqiblərinə qalib gələrək qızıl medala sahib çıxıb. Eyni çəki dərəcəsində Tofiq Məmmədov, 81 kq çəkidə isə Cəsur İbadlı bürünc medal qazanıblar. Erstal şəhərində keçirilən qadınların yarışında isə Gültac Məmmədəliyeva (52 kq) fəxri kürsünün üçüncü pilləsinə qalxıb.

Beləliklə, Azərbaycan millisi turniri ümumilikdə 11 medalla (3 qızıl, 2 gümüş və 6 bürünc) tamamlayıb.

Xatırladaq ki, yarışın ilk günündə Murad Muradlı (60 kq) və Camal Feyziyev (+100 kq) çempion olmuş, Abil Yusubov (73 kq) ilə Zelim Tskayev (90 kq) gümüş, Fərid Qarayev (60 kq), Kamran Süleymanov (73 kq) və Ramazan Əhmədov (+100 kq) isə bürünc medal qazanmışdılar.