“Neftçi” Premyer Liqanın 18-ci turunda “Araz-Naxçıvan”ı darmadağın edərək (4:0) cari mövsümdə ilk böyükhesablı səfər qələbəsini qazandı.
Statistikaya nəzər salsaq, “neftçilər” sonuncu dəfə bu cür qələbə sevincini 624 gün əvvəl (18 may 2024-cü il) “Səbail”lə oyunda (3:0) yaşamışdılar. Rəqib qapısından 4 və ya daha çox cavabsız topun keçirildiyi sonuncu belə uğur isə tam 1030 gün əvvələ təsadüf edir. Komanda 8 aprel 2023-cü ildə “Sumqayıt”ı da eyni hesabla — 4:0 məğlub etmişdi.