Bu gün Çempiolar Liqasının əsas mərhələsində növbəti tura start veriləcək. PSJ evdə cari mövsüm bütün turnirlərdə keçirdiyiyi oyunlarda qələbə qazanan “Bavariya”nı sınağa çəkəcək. “Bavariya”nın baş məşqçisi Vinsent Kompani matçdan əvvəl jurnalistlərin “PSJ-ni məğlub etmək üçün komandanız nə etməlidi?” sualının cavabında belə deyib: “İlk öncə bunu bacaracağımıza inanmalı və mükəmməl oyun göstərməliyik. Rəqibimiz Çempionlar Liqasının son qalibi və bu mövsüm favoritlərdən biridir. Səfərdə oynamaq əlavə çətinlik yaratsa da, şanslarımız olacaq”.
Almanların qapıçısı Manuel Noyer isə fransızlardan çəkinmədiklərin deyib: “Biz onlardan qorxmuruq və PSJ-yə qarşı oynamaqdan zövq alırıq. Paris klubunun yaxşı məşqçi heyəti var və güclü komandadır. PSJ ötən mövsüm Çempionlar Liqasını qazanmağa layiq idi. Onlar sürətli əks-hücumları, eləcə də uzaq məsafədən təhlükəli zərbələri var. Kəsəsi, PSJ yüksək səvviyəli komandadadır”.
PSJ-nin baş məşqçisi Luis Enrikedə qarşıdakı bağlı gözləntilərini bölüşüb. Parislilərin baş məşqçisi münhenlilərin 15 oyunluq qələbə seriyasına toxunan ispan məşqçi belə deyib: “Ardıcıl iki, üç və ya dörd oyun qazanmaq bizim üçün çətindir. 15 oyun dalba-dal qələbə qazanmaq inanılmaz nəticədir”.
Günün digər maraqlı oyunu şübhəsiz “Liverpul” – “Real” qarşılaşması olacaq. 2004-2009-cu iliər aralığında “Liverpul”un formasını geyinən və komanda ilə Çempionlar Liqasını qazanan “Kral klubu”nun hazırkı baş məşqçisi Xabi Alonso İngiltərədə keçən illərinin onun məşqçi kimi inkişafında mühüm rol oynadığını etiraf edib: “Oyunçu karyeramın beş il Rafael Beniteslə birgə keçidi və ondan çox şey öyrəndim. Elit futbolun nə olduğunu başa düşdüm və indi bu təcrübə işimdə mənə çox kömək edir. Əgər futbolu sevirsinizsə, burada oynamağı da sevəcəksiniz. O illər məni daha yaxşı oyunçu və daha yaxşı məşqçi edən gözəl illər idi. Bu gündə həmin dövrün böyük hissəsini sevinc hissiiylə xatırlayıram”.
Alonso fikrini belə tamalayıb:”Bu, azarkeşlərin “Enfild”də daim səbirsizliklə gözlədiyi xüsusi oyunlardan biridir. Trentlə mənim burada öz tarixiçəmiz var. Səni çox sevdikləri yerə qayıtmaq əlbbətə xoşdur. Amma buraya işimizi görməyə və yaxşı nəticə əldə etməyə gəlmişik”.
“Napoli” – “Ayntraxt” oyunu isə bizim üçün böyük önəm daşıyır. Belə ki, növbəti turda “Qarabağ”ın rəqibi “Napoli” olacaq. Ağdam klubu 7-ci turda “Ayntraxt”la qarşılaşacaq.
21:45 Napoli – Ayntraxt CBC Sport
21:45 Slaviya – Arsenal
00:00 Atletiko – Yunion
00:00 Bude Qlimt – Monako
00:00 Liverpul – Real CBC Sport
00:00 Olimpiakos – PSV
00:00 PSJ – Bavariya İctimai TV
00:00 Tottenhem – Kopenhagen
00:00 Yuventus – Sportinq
