Amma çox təəssüf ki, bu doqquz cavabsız qol “Araz-Naxçıvan”ın öz qapısında gördüyüdür. Hər iki oyunda “Omoniya” qarşısında aciz görünən Elmar Baxşıyevin komandası bu oyunun daha çox turist səfəri olduğunu təsdiqlədi. Amma naxçıvanlılardan bundan böyüyünü gözləmək də haqsızlıq olardı. “Aris”i keçməklə azarkeşləri sevindirən komandanın hansı şərtlər altında fəaliyyət göstərməsi barədə kifayət qədər yazılıb. Ümid edək ki, Avrokubok oyunlarında ciddi sınaqlardan keçən və heyətinə görə kifayət qədər rəqbətli görünən “Araz-Naxçıvan” Premyer-Liqanın favoritlərinə baş ağrısı olacaq.
UEFA Konfrans Liqası
3-cü təsnifat mərhələsi, cavab oyunu
Omoniya – Araz-Naxçıvan 5:0 (ilk oyun 4:0)
“Omoniya”: Fabiano, İoannis Masuras, Senu Kulibali, Nikolas Panaqiotu, Fotias Kitsos, Evandro Kosta (Neofitau, 46), İoannis Kussulos, Karel Eytinq (Erakoviç, 55), laizos Laizu (Dionku, 46), Villi Semedu (Musialovski, 46), Stefan Yovetiç (Stepinski, 46).
“Araz-Naxçıvan”: Kristiaan Avram, Bruno Aleksandre Franko (Qara Qarayev, 46), Rahil Məmmədov, İssuf Paro, Ömər Buludov, Vanderson, Nuno Rodriqes, Patrik Andrade, Hamidu Keyta (Alxasov, 46), Felipe Santos (Ülvi İsgəndərov, 64), Ba-Muaka Simakala (Bar Koen, 65).
Qollar: Semedu, 9. Yovetiç, 23. Evandro, 38. Evandro, 45. Musilaovski, 79.