UEFA Çempionlar Liqasının 3-cü təsnifat mərhələsi çərçivəsində “Qarabağ”la cavab oyununa hazırlaşan “Şkendiya”nın baş məşqçisi Jeton Breqi oyunöncəsi mətbuat konfransında jurnalistlərin suallarına cavab verib. Şimali Makedoniya klubunun çalışdırıcısı sabahkı oyunun çətin olacağını etiraf edib. O, bilridib ki, komandasının itirəcəyi bir şey yoxdur: “Sabahkı oyun çox çətin olacaq. “Qarabağ” çox güclü, təcrübəli komandadır. Sabah maksimumu edəcəyik. Qol vurmağa çalışacağıq. Birinci oyunu uduzmuşuq. İtirəcəyimiz bir şey yoxdur”.
Breqi sabahkı oyunda seçəcəyi taktikanın anonsunu da verdi: “Bu dəfə daha aqressiv və daha hücummeyilli oynayacağıq. Çünki itərəcəyimiz bir şey yoxdur“.