UEFA Çempionlar Liqasının 3-cü təsnifat mərhələsində Şimali Makedoniyanın “Şkendiya” klubu ilə qarşılaşacaq “Qarabağ”ın baş məşqçisi Qurban Qurbanov oyunöncəsi mətbuat konfransında ehtiyatlı danışıb. O, “Şkendiya”nın güclü rumın komandasına qalib gəldiyinə işarə edərək “istəkli bir komandaya qarşı oynayacağıq” ifadəsini işlədib. Qurbanov “90 dəqiqə maksimum diqqətli oynamalıyıq” deyib.
Qurbanov pley-offdakı potensial rəqibləri barədə də eyni tonda danışıb. “Qalib gəlsək də, məğlub olsaq da, rəqibimiz “Ferentsvaroş”la “Ludoqorets”dən biri olacaq. İkisinə qarşı da oynamışıq. Çempionlar Liqasında və ya Avropa Liqasında oynamağımızdan asılı olmayaraq maraqlı oyunlar olacaq. Bir-birimizi tanıyan rəqiblərik”.