DÇ-2026-da futbol dünyasını heyrətə gətirən daha bir tarixi nailiyyət qeydə alınıb. Fransa millisinin və “Bavariya”nın ulduzu Maykl Olise düz 56 ildir yenilənməyən dünya çempionatı rekordunu qırıb.
Turnir boyu möhtəşəm performans nümayiş etdirən 24 yaşlı futbolçu, DÇ-2026-nı 7 məhsuldar ötürmə ilə tamamlayaraq futbol tarixinə keçib. Bununla da o, dünya çempionatları tarixində bir turnirdə ən çox assist edən oyunçu ünvanına sahib çıxıb. Əvvəlki rekord 1970-ci ildə 6 qolun ötürməsini verən əfsanəvi Pele məxsus idi. Reytinqin növbəti pillələrində isə hesabında 5 assist olan Dieqo Maradona (1986), Pyer Littbarski (1982) və Tomas Hessler (1994) kimi korifeylər yer alır.
Buna baxmayaraq, Olisenin bu tarixi rekordu Fransa üçün bürünc medal qazanmağa belə kifayət etməyib. İngiltərəyə qarşı keçirilən və 4:6 hesabı ilə başa çatan üçüncülük matçında 2 məhsuldar ötürmə edən Olise, komandasının 4 qolluq geridönüş chdində böyük rol oynasa da, meydanı məğlub tərk edib.
Tarix yazan gənc ulduz turniri qarışıq hisslərlə bitirib. Belə ki, assist rekordçusu olan futbolçu İngiltərə ilə matçda bir neçə yüzfaizli qol epizodunu boşa verib və turniri qol vurmadan tərk edib.