İspaniya millisinin 18 yaşlı vingeri Lamin Yamal gələcək karyerası ilə bağlı maraqlı açıqlama verib. Gənc ulduz “El Larguero”ya müsahibəsində 6 dünya çempionatında iştirak etmək ehtimalına toxunub: “Özümü 6 mundialda təsəvvür edə bilmirəm. Bunu yalnız Ronaldo və Messi bacarıb? Karyeramın bu qədər uzun çəkəcəyinə inanmıram”.
Hazırda davam edən DÇ-2026 gənc ispaniyalının karyerasında ilk dünya çempionatıdır. Paralel olaraq, 39 yaşlı Lionel Messi və 41 yaşlı Kriştianu Ronaldu hazırda karyeralarında artıq 6-cı mundialda çıxış edirlər. Xatırladaq ki, İspaniya millisi dünya çempionatının 1/8 final mərhələsində Avstriya ilə qarşılaşacaq. Bu duel iyulun 2-də baş tutacaq.