Premyer Liqa təmsilçisi “Turan-Tovuz”da növbəti ayrılıq rəsmiləşib. Qərb klubu komandanın kapitanı Şəhriyar Əliyev ilə yolları ayırdığını elan edib.
Klubun mətbuat xidmətindən verilən məlumata görə, rəhbərlik və futbolçu arasında başa çatan sözləşmənin müddətini uzatmamaq qərara alınıb. Müqaviləsi yenilənməyən təcrübəli müdafiəçi komandadan azad agent statusu ilə ayrılıb.
Şəhriyar Əliyev 2022/23 mövsümündən bəri “Turan-Tovuz”un uğurları üçün tər tökürdü. Meydandakı etibarlı oyunu və liderlik keyfiyyətləri ilə seçilən təcrübəli müdafiəçi, komandanın əsas dayaqlarından biri hesab olunurdu və kapitan sarğısını daşıyırdı.