Paytaxtın “Neftçi” klubu yay transfer pəncərəsi öncəsi “təmizlik” işlərinə start verib. Komandadan ayrılacaq ilk oyunçunun kimliyi artıq bəllidir. Aldığımız məlumata görə, bu, sağ cinah müdafiəçisi Kristian Kostindir. Mövsüm ərzində nadir hallarda şans qazanan rumıniyalı legioner gözləntiləri doğrultmayıb. Ötən ilin yayında transfer edilən futbolçunun “1+1” illik müqaviləsindəki müddətin artırılmayacağı artıq qətiləşib. Kostin mövsümün sonunda azad agent statusu ilə komandanı tərk edəcək.
