Bu gün futzal üzrə Azərbaycan Kubokunda yarımfinal mərhələsinə yekun vurulub. Turnirin həlledici oyununda üz-üzə gələcək cütlüklər müəyyənləşib.
Bir neçə saat ərzində baş tutan hər iki qarşılaşma bol qollu keçməsi ilə diqqət çəkib.
“Bakı Fayr-2″ – “Neftçi” – 1:9
“Ağ-qaralar” gənc rəqibi qarşısında böyük üstünlüklə qalib gələrək finala vəsiqəni rəsmiləşdirib.
PFL – “Araz-Naxçıvan” – 3:20
Günün ən gözlənilməz hesabı bu görüşdə qeydə alınıb. Ölkə futzalının flaqmanı olan “Araz-Naxçıvan” son kubok qalibi PFL-i darmadağın edərək finala yüksəlib.
Beləliklə, cari mövsümün kubok sahibi bu iki iddialı komanda arasında keçiriləcək qarşılaşmada müəyyənləşəcək. Xatırladaq ki, Azərbaycan Kubokunun son qalibi “Araz-Naxçıvan” tərəfindən turnirdən kənarlaşdırılan PFL komandası idi.