Albaniyanın “Eqnatiya” klubunun və millimizin müdafiəçisi Zamik Əliyev karyerasını daha nüfuzlu Avropa çempionatlarından birində davam etdirə bilər. 23 yaşlı mərkəz müdafiəçisi Danimarka təmsilçisi “Randers”in maraq dairəsinə düşüb.

Danimarka klubu yay transfer pəncərəsində heyətini gücləndirmək niyyətindədir və Əliyev onların əsas hədəflərindən biri hesab olunur. Məlumata görə, “Randers” rəhbərliyi cari mövsümün sonunda rəsmi təkliflə çıxış etməyə hazırlaşır.

Lakin bu transferin reallaşması “Eqnatiya”nın mövqeyindən asılı olacaq. Belə ki, Əliyevin Albaniya klubu ilə hazırkı müqaviləsi 2026/27 mövsümünün sonuna qədər qüvvədədir. Klubun aparıcı oyunçusu hesab olunan müdafiəçi üçün albaniyalıların yüksək təzminat tələb edəcəyi gözlənilir.   Zamik Əliyev “Eqnatiya”ya keçdikdən sonra göstərdiyi stabil oyunla həm klubunda, həm də milli komandada etimad qazanmağı bacarıb. Onun Avropanın

Hazırda futbolçunun transfer dəyəri və “Eqnatiya”nın bu marağa verəcəyi rəsmi reaksiya idman ictimaiyyəti tərəfindən maraqla gözlənilir.