“Neftçi”nin üstünlüyü ilə keçən oyunda qonaqlar ciddi müqavimət göstərməkdə çətinlik çəkirdi. Bunun nəticəsi idi ki, Bakı komandası rahatca iki qolla qələbəyə yaxınlaşmışdı. Lakin ikinci qoldan sonra meydan sahibləri sayıqlığı azaltdı. Qonaqların əvəzetmələri də özünü doğrultdu. Məhz az öncə meydana girən Slavik Alxasov sağ cinahdan gələna asmaya başla reaksiya verə bildi. Bundan sonra oyuna intriqa qayıtdı. Naxçıvan komandası nisbətən fəal oynamağa başladı. Hətta qonaqlatın azsaylı azarkeş qrupu da “Araz-Naxçıvan!” şüarları qışqırdı. Lakin “Araz”da oyunun axarını dəyişmək üçün yaradıcılıq, kombinasiya çatmadı. “Neftçi” isə əlinə düşən azsaylı imkandan yararalanmasa da, qələbəni qoruya bildi və Avropa kuboklarına olan iddiasını davam etdirdi.
Premyer Liqa, 27-ci tur
NEFTÇİ – ARAZ-NAXÇIVAN 2:1 (1:0)
Qollar: İmad Faraj, 32 (1:0), Breno Almeyda, 57 (2:0), Slavik Alxasov, 65 (2:1).
Baş hakim – Əli Əliyev.
Neftçi: Kənan Piriç, Emin Mahmudov (Sessi D’Almeyda, 78), Elvin Bədəlov, Emil Səfərov (Xordan Resabala, 88), Falaye Sako, Mustafa Sek, İqor Ribeyro, Ifeanyi Mettyu, Breno Almeyda (Alessio Kurçi, 78), İmad Faraj (Murad Məmmədov, 78), Freddi Varqas (Vensan Abubakar, 84).
Araz-Naxçıvan: Tərlan Əhmədli, Bəxtiyar Həsənəlizadə (k), Rahil Məmmədov, Ömər Buludov, Mustafa Əhmədzadə, Patrik Andrade (Ceyhun Diniyev, 63), İssuf Paro (Slavik Alxasov, 63), Nunu Rodriqeş (Bar Koen, 75), Hamidu Keyta, Felipe Santos (Şarl Boli, 63), Ba-Muaka Simakala (Ramon, 82).
Sarı vərəqələr: Andrade, 20. Koen,82. Əhmədzadə, 90.