Premyer Liqanın XXVIII turu “Zirə” komandası üçün yubileylə yadda qalıb. “Neftçi” ilə keçirilən gərgin qarşılaşmada qeydə alınan 1:1 hesablı bərabərlik “qartallar”ın elitadakı 100-cü heç-heçəsi olub.
Peşəkar Futbol Liqasının (PFL) rəsmi məlumatına əsasən, “Zirə” indiyədək yüksək dəstədə ümumilikdə 332 matç keçirib. Bu nəticə ilə qəsəbə təmsilçisi Azərbaycan çempionatları tarixində 100 və daha çox heç-heçə edən 11-ci komanda kimi adını tarixə yazdırıb. “Qəsəbə təmsilçisi bu bərabərliklərin 51-ni doğma meydanda, 49-nu isə səfər qarşılaşmalarında qeydə alıb.
“Zirə”nin Premyer Liqadakı ilk heç-heçəsi komandanın debüt mövsümünə təsadüf edib. Tarixi seriyanın başlanğıcı: 16 avqust 2015-ci ildə Gəncədə keçirilən “Kəpəz” – “Zirə” matçı (1:1) komandanın elitadakı ilk heç-heçəsi kimi protokollara düşüb.
Onu da qeyd edək ki, “Zirə” bu göstərici ilə ölkə çempionatının ən stabil və çətin məğlub edilən kollektivlərindən biri olduğunu bir daha sübut etdi.