İlk yarıda daha yaxşı oynayan və aşkar ərazi üstünlüyünə malik olan zirəlilər gürcüstanlı legioner Papunaşvilinin ustalıqla vurduğu zərbə sayəsində hesabı açdı. Bu epizodda “Neftçi”nin qapıçısını da qınamaq olar. Cərimə meydançası qarşısından vurulan topa qapıçı yanlış yer seçimi üzündən gec tullandı. İkinci hissə fərqli oldu. qonaqlar tədricən oyunu bərabərləşdirdi və hətta 2 qol vuraraq hesabda irəli də çıxdı. Bundan sonra zirəlilər oyunu xilas etməyə atıldı. Təzyiq öz bəhrəsini verdi. Uzatma dəqiqələrində hakim VAR-ın köməyi ilə qonaqların qapısına penalti təyin etdi. Renato 11 metrlik zərbəni qola çevirdi. Sonluq gərgin keçdi. Etirazlara görə hakim qonaqların köməkçi məqçisini meydandan qovdu, az sonra “Zirə” də azlıqda qaldı. Kobudluğa görə Qomis ikinci sarı vərəqə aldı. Bundan sonra “Neftçi” irəli atıldı. Qapıçı Tiaqo Silva hətta meydan sahiblərini qoldan da xilas etdi. Bundan sonra hakim final fiti səsləndirdi və maraqlı, gərgin keçən oyun sülhlə bitdi.
“Zirə” – “Neftçi” 2:2
“Zirə”: Tiaqo Silva, Qismət Alıyev, İsmayıl İbrahimli, Ruan Renato, Enrike Kustodio, Giorgi Papunaşvili, Brahim Konate, Ange Mutsinzi, Junior Martins, Ayron Qomis, Yeqor Boqomolski
“Neftçi”: Kenan Piriç, Emin Mahmudov, Elvin Bədəlov, Murad Xaçayev, Ağadadaş Salyanski, Falaye Sako, Sessi Dalmeyda, İqor Ribeyro, İmad Faraj, Freddi Varqas, Cordan Rezabala.
Qol: Papunaşvili, 28 (1:0). Varqas, 66 (1:1). Sambu, 87 (1:2). R. Renato, 90+7 (2:2).