Bu gün UEFA Konfrans Liqasının 1-ci təsnifat mərhələsinin ilk oyununda Azərbaycanın «Zirə» klubu Gürcüstanın «Torpedo» (Kutaisi) kollektivini qəbul edib.
«Qartallar»ın avromövsümə hazırlıq üçün kifayət qədər vaxtının olmaması, yeni transferlərin komandaya cəmi iki həftə öncə qoşulması və matçın doğma Zirə qəsəbəsində deyil, Sumqayıtdakı «SOKAR Polymer Arena»da keçirilməsi oyunöncəsi müəyyən narahatlıqlar yaratmışdı. Üstəlik, Gürcüstanda çempionatın qızğın çağı olduğu üçün rəqib daha hazır və təşkilatlanmış görünürdü. Lakin Rəşad Sadıqovun yetirmələri bütün mənfi ehtimalları alt-üst edərək möhtəşəm oyunla darmadağına imza atdılar.
«Zirə» (Azərbaycan) – «Torpedo» (Kutaisi, Gürcüstan) 3:0
Qollar: Ruan Renato, 32 (1:0); Davit Volkov, 47 (2:0); Ruan Renato, 64-pen. (3:0)
Baş hakim: Yoni Hyuutiya (Finlandiya)
«Zirə»: Aydın Bayramov, Ruan Renato, Anje Mutsinzi, Amin Seydiyev, Qismət Alıyev (k), Brahim Konate, Vyerinya (İsmayıl İbrahimli, 72), Giorgi Papunaşvili (Ayxan Hüseynov, 59), Eren Aydın (Hacıağa Hacılı, 88), Junior Martins (İssa Djibrilla, 72), Davit Volkov (Yeqor Boqomolski, 71).
«Torpedo»: Ото Qoşadze, Sori Mane (Dino Skorup, 38), Matey Şimiç, Mohamed Şerif, Luka Kuprava, Vladimir Mamuçaşvili (k), Dato Bukia, Felipe Pires, Giorgi Arabidze, Virjil Pinson, Komnen Andriç.
Xəbərdarlıqlar: L. Kuprava, D. Bukia, G. Papunaşvili, O. Qoşadze, Q. Alıyev, M. Şerif.