Millimizin hücumçusu Vüsal İsgəndərlinin şərəfini qoruduğu Kosovanın “Malişeva” klubu UEFA Konfrans Liqasında möhtəşəm qələbəyə imza atıb.
Turnirin I təsnifat mərhələsinin cavab qarşılaşması çərçivəsində “Malişeva” Albaniyanın “Vlajniya” komandası ilə üz-üzə gəlib. İlk matçda 1:2 hesabı ilə məğlub olan Kosova təmsilçisi cavab görüşündə rəqibinə heç bir şans verməyərək 5:0 hesablı inamlı qələbə qazanıb. Görüşə start heyətdə başlayan həmyerlimiz komandasının darmadağınında pay sahibi olub. O, ilk hissəyə əlavə olunmuş vaxtda “Malişeva”nın ikinci qolunun assistlik edib. Uğurlu çıxışı ilə diqqət çəkən hücumçu 68-ci dəqiqədə əvəzlənib.
Bu nəticə ilə hər iki oyunun yekununa əsasən rəqibini üstələyən “Malişeva” UEFA Konfrans Liqasının II təsnifat mərhələsinə adını yazdırıb.