“Azərbaycan Şahmat Turu”nun növbəti mərhələsi olan “Vugar Gashimov Open 2026” beynəlxalq turnirinə yekun vurulub.
A qrupunda 7,5 xal toplayan Tunar Davudov bütün rəqiblərini geridə qoyaraq yarışın qalibi olub. Eyni xala malik Loğman Quliyev əlavə göstəricilərə əsasən ikinci yeri tutub. 7 xal toplayan Vüqar Manafov isə turniri üçüncü pillədə başa vurub.
Festival çərçivəsində rapid və blits yarışları da keçirilib. Rapid üzrə Murad İbrahimli, blitsdə isə Rüstəm Rüstəmov çempion adını qazanıb.
Bağlanış mərasimində qalib və mükafatçılara medal, diplom və pul mükafatları təqdim edilib. “Azərbaycan Şahmat Turu”nun növbəti yarışı – “Guba Open” sentyabrın 3-10-da keçiriləcək.