“Sabah”ın baş məşqçisi Valdas Dambrauskas UEFA Çempionlar Liqasının 1-ci təsnifat mərhələsinin cavab oyunu çərçivəsində Uelsin “Nyu Seynts” klubuna qarşı keçiriləcək matçdan öncə fikirlərini bölüşüb.

Litvalı mütəxəssis komandada əval-ruhiyyənin yüksək olduğunu və görüşə tam hazır olduqlarını bildirib: “Burada olduğumuz üçün çox şadıq. İstər futbolçular, istərsə də məşqçilər heyəti — hamımız sabahkı oyunu səbirsizliklə gözləyirik. İlk matçla müqayisədə daha diqqətli və konsentrasiyalı olmalıyıq. Biz bilirik ki, bizi necə meydança və necə bir azarkeş atmosferi gözləyir. Nəzərə almalıyıq ki, Çempionlar Liqasında komandalar 20-25 faiz daha üstün performans göstərirlər. Buna görə də “iş artıq bitib” deyə arxayınlaşmaq olmaz.

Qələbə üçün meydanda hər şeyimizi ortaya qoyacağıq. Daha yaxşı komanda olduğumuzu sübut etməliyik. Heyətimizdə zədəli futbolçu yoxdur. Səfərə yaxşı hazırlaşmışıq, matçdan bir gün öncə gəldik və oyunçular tam bərpa olunub, gümrahdırl      ar. Yalnız Stiv Solve cəzalı olduğu üçün bizə kömək edə bilməyəcək. Sabah öz keyfiyyətimizi göstərməliyik”.

Qeyd edək ki, “Nyu Seynts” – “Sabah” qarşılaşması Ozuestri şəhərindəki “Park Holl” stadionunda keçiriləcək.