“Sumqayıt” iki legioneri növbəti beynəlxalq fasilə zaman milli komandalarının şərəfini qoruyacaqlar. Klubun mətbuat xidmətindən verilən məlumata görə, yarımmüdafiəçi Ronaldo Vaskes və hücummeyilli oyunçu Abdul-Rəşid Mumini müvafiq yığma komandaların düşərgəsinə dəvət alıblar.

Komandanın aparıcı üzvlərindən olan Ronaldo Vaskes Dominikan Respublikası millisinin heyətində KONKAKAF Seriyasının ikinci mərhələsi çərçivəsində rəsmi oyunlara çıxacaq. Yığma komandanın turnir cədvəlindəki mövqeyi baxımından hər iki qarşılaşma böyük əhəmiyyət kəsb edir:

27 mart El Salvador – Dominikan Respublikası

30 mart Kuba – Dominikan Respublikası

“Sumqayıt”ın digər legioneri Abdul-Rəşid Mumini isə Benin milli komandasının heyətinə çağırılıb. Afrika təmsilçisi bu ayın sonunda hazırlıq prosesi çərçivəsində iki maraqlı yoldaşlıq görüşü keçirəcək:

27 mart Fələstin – Benin

31 mart Qvineya – Benin