“Sabah” klubu UEFA Çempionlar Liqasının I təsnifat mərhələsi çərçivəsində Uelsin “Nyu Seynts” komandasına qarşı keçirəcəyi səfər matçının yayım hüququ ilə bağlı məsələni müsbət həll edib.
Bakı təmsilçisi qarşılaşmanın nümayiş hüquqlarına görə tələb olunan vəsaiti ödəyəcək. Bunun sayəsində futbol azarkeşləri həlledici oyunu CBC telekanalı ilə canlı izləmək imkanı qazanacaqlar.
Məlumata görə, Uels tərəfi yayım siqnalının satışı üçün ilkin olaraq 110 min manat tələb etsə də, paytaxt klubu aparılan danışıqlar nəticəsində bu hüququ xeyli aşağı məbləğə əldə edə bilib.
“Nyu Seynts” – “Sabah” görüşü bu gün Ozuastri şəhərindəki “Park Holl” stadionunda baş tutacaq və Bakı vaxtı ilə saat 21:30-da başlayacaq. Xatırladaq ki, komandalar arasında baş tutan ilk oyunda təmsilçimiz 2:0 hesablı inamlı qələbə qazanıb.