Ölkə kubokunun yarımfinal mərhələsinin cavab görüşü çərçivəsində keçiriləcək “Sabah” – “Qarabağ” qarşılaşması azarkeşlər arasında böyük ajiotaj doğurub. İlk oyunda qeydə alınan 2:2 hesablı bərabərlik Masazırdakı həlledici dueldə gərginliyin pik həddə olacağından xəbər verir.

İlkin  məlumata görə, matça olan maraq bilet satışlarında da özünü büruzə verir. Belə ki, artıq 3000-dən çox bilet öz sahibini tapıb. Xatırladaq ki, oyunun keçiriləcəyi “Bank Respublika Arena” ümumilikdə 8700 tamaşaçı tutumuna malikdir. Bu rəqəmlər matç günündə stadionun tamamilə dolma ehtimalının yüksək olmasından xəbər verir.

İlk matçdakı bərabərlik (2:2) hər iki komanda üçün şansları bərabər saxlayır. Bu status-kvo cavab duelini mövsümün həm emosional, həm də taktiki cəhətdən ən gərgin döyüşünə çevirməkdədir.

Xatırladaq ki, aprelin 22-nə təyin olunan qarşılaşmanın start fiti saat 20:00-da səslənəcək.