“Şkendiya” üzərində böyükhesablı qələbə ilə Çempionlar Liqasının pley-off mərhələsinə çıxan “Qarabağ”ın baş məqşçisi Qurban Qurbanov getdikcə oyun keyfiyyıtinin artıdğını bildirib və daha da artırmağın vacib olduğunu deyib. Onun fikrincə, qarşıda komandasını daha ciddi rəqiblər gözləyir.
Qurbanov 18 yaşlı Cəbrayılzadənin oyunu haqda da danışıb: “Bir neçə aydır ki, bizimlədir. Aftandil Hacıyev (məşqçi) onu bizə təklif etmişdi. Biz də öz akademiyamızdan 3-4 futbolçunu məşqlərə cəlb edirik. Onların potensialına baxırıq, Hikmət gəldiyi gündən ustalığını, qabiliyyətini göstərdi. Yaxşı, fiziki qabaritləri var. Daha çox çalışmaq lazımdır. Amma ansambla uyğun futbolçu olub. Qarşıdakı matçlarda imkan olduqca, meydana buraxacağıq. Amma inanın ki, onu tam əminliklə komandaya götürmüşəm. Əsas odur ki, özü daha da işgüzar olsun, futbol haqda düşünsün. Hikmət kimi digər oyunçulara da şans yaradacağıq”.