“Qızıl Top” mükafatına namizədlərin adları bəllidir: Usman Dembele, Xviça Kvaratsxeliya (PSJ), Lamin Yamal, Rafinya, Robert Levandovski (Barselona), Məhəmməd Salah (Liverpul), Canluici Donnaruma, Cud Bellinqem, Kilian Mbappe, Vinisius (Real Madrid), Erlinq Holland (Mançester Siti), Harry Keyn (Bavariya), Viktor Dyökereş (Arsenal), Koul Palmer (Çelsi) və Florian Virts (Bayer-Liverpul).
“Sportkritik” bu namizədlər arasında Yamal, Dembele və Donnarumanın daha şanslı olduğunu hesab edir. Yamal ötən mövsümün ən yaxşı futbolçularındandır və “Barselona”nın heyətində möhtəşəm oyunlar sərgiləməklə Messinin xələfi adını qazanıb. Dembele və Donnaruma da əla oyun sərgiləməklə yanaşı “PSJ”-nin tarixində ilk dəfə Çempionlar Liqasını qazanmasında böyük pay sahibləri olublar. Güman edirik ki, mübarizə də məhz bu üç futbolçu arasında gedəcək. Digər futbolçular həm dövrün, həm də ötən mövsümün yaxşılarından olsalar da, bu üç futbolçudan aşkafr geri qalırlar. Ötən mövsüm xüsusən də Virts və Palmer üçün uğurlu olub.
Yamal həm də ən yaxşı gənc oyunçu mükafatında favoritlərdəndir. Ona bu mübarizədə həmklubu Pau Kubarsi, Dezire Dueç Joau Neveş (PSJ), Din Haysen (Real Madrid), Maylz Lyus-Skelli (Arsenal), Estevao (Çelsi) və Kənan Yıldız (Yuventus) rəqib olacaqlar.