UEFA Konfrans Liqasının pley-off mərhələsinin cavab qarşılaşmasında Niderlandın “Tvente” klubunu qəbul etməyə hazırlaşan “Qarabağ”da zədəli futbolçuların son durumu açıqlanıb. Səfərdəki 1:0 hesablı vacib qələbədən sonra Bakıdakı cavab oyununa köklənən Ağdam təmsilçisinin rəsmi saytının yaydığı məlumata əsasən, komandanın heyətində həm sevindirici, həm də üzücü xəbərlər var.

Səfərdəki ilk görüşü buraxan Pedro Bikalyo artıq zədəsini tam sağaldaraq ümumi qrupla məşqlərə başlayıb. Müalicəsi davam edən Renaldo Sefasın bərpa prosesində də müsbət dinamika müşahidə olunur və yamaykalı hücumçunun matç gününədək sıraya dönmə ehtimalı yüksək qiymətləndirilir. Digər zədəli hücumçu Zakariya Savonun reabilitasiya prosesi isə planlaşdırıldığı kimi gedir və onun 3-5 həftəyə tam hazır olacağı gözlənilir.

Ağdam klubunda ən ciddi itki isə Elvin Cəfərquliyevlə bağlıdır. 3-cü təsnifat mərhələsində Kiyev “Dinamo”suna qarşı keçirilən cavab matçında zədələnən müdafiəçini əməliyyat gözləyir. Təcrübəli futbolçunun təxminən 3 ay yaşıl meydanlardan kənarda qalacağı bildirilir.