“Qarabağ” Serbiyanın “Partizan” klubunun mərkəz müdafiəçisi Nihad Muyakiçin keçidini rəsmiləşdirməyə hazırlaşır. Serbiya mətbuatının yaydığı məlumata görə, tərəflər bosniyalı stoperin transferi ilə bağlı bütün detalları artıq razılaşdırıblar.

“Sportski žurnal” nəşri bildirir ki, Belqrad təmsilçisi 28 yaşlı futbolçunun aylıq 40 min avroluq məvacibini ödəməkdə çətinlik çəkdiyi üçün onu satmaq məcburiyyətində qalıb. Ağdam klubunun bu transfer üçün “Partizan”a bir neçə yüz min avro təzminat ödəyəcəyi gözlənilir.

Qeyd edək ki, Bosniya və Herseqovina millisinin üzvü olan Muyakiç ötən mövsümü icarə əsasında Türkiyənin “Qaziantep” klubunda keçirib.