Bu oyunu birinci yer uğrunda duel də adlandırmaq olardı. “Qarabağ”dan 2 xal geri qalan “Sabah”bu oyunda qələbə qazanaraq nəhayət ki, mövsümdə ilk dəfə lider mövqeyə çıxa bilərdi. Lakin oyun masazırlılar üçün yaxşı başladı. Ağdamlıların vacib qollarını vurmağa alışan Leandro bu dəfə də fərqləndi. Erkən qol qonaqlara psixoloji üstünlük verdi.
Lakin ikinci hissə fərqli başladı. Bu dəfə “Sabah” qonaqların müdafiədə səhvini bağışlamadı. Mikels təkbətəkə çıxaraq hesabı bərabərləşdirdi. “Sabah” əlinə tarixi imkanın düşdüyünü dərk etdi və daha cəsarətli oynadı. Nəticə özünü gözlətmədi. Oyunub sonunda Aron Maluda qələbə topunu vurdu və “Sabah” çempionatın lideri oldu.
”Sabah” – “Qarabağ” 2:1
Qol: Leandro Andrade, 9 (0:1). Coy-Lens Mikels, 52 (1:1). Aron Maluda, 88 (2:1).