Albaniyanın paytaxtı Tirana şəhərində keçirilən

böyüklər arasında Avropa çempionatı bütün həyəcanı ilə davam edir. Yarışın

dördüncü günündə ölkə

qadınlardan ibarət milli komandasının üzvləri xalça üzərinə çıxaraq uğurlu

çıxışları ilə diqqət çəkiblər.

Təmsilçimiz Jalə Əliyeva (57 kq) yarışa olduqca iddialı başlayıb. O, ilk

görüşündə almaniyalı Amori Andriki “tuşe” ilə məğlub edərək tam

üstünlük nümayiş etdirib. 1/4 finalda finlandiyalı Cenna Hemiaeni 5:0 hesabı ilə

mübarizədən kənarlaşdıran Jalə yarımfinala yüksəlib. Lakin bu mərhələdə Türkiyə

təmsilçisi Elvira Süleymanla gərgin keçən qarşılaşmada 2:6 hesabı ilə uduzan

idmançımız bürünc medal uğrunda mübarizə aparacaq.

Digər ümidverici güləşçimiz Birgül Soltanova (65 kq) rumıniyalı Krişta İntse üzərində 3:1 hesablı

qələbə qazanaraq adını yarımfinala yazdırıb. O, finala gedən yolda Alina

Kasabiyeva (UWW) ilə qarşılaşacaq.

62 kq çəki dərəcəsində mübarizə aparan Ruzanna Məmmədova çempionatın

startında Ukrayna təmsilçisi İlona Prokopevnyuku 10:0 hesabı ilə darmadağın edərək

gücünü göstərib. Təəssüf ki, Ruzanna 1/4 final mərhələsində Amina Tandelovaya

(UWW) məğlub olaraq (0:5) qızıl medal şansını itirib.

Günün sonunda azarkeşlərimizin diqqəti 59 kq

çəki dərəcəsinə yönələcək. Günay

Qurbanova Avropa çempionatının bürünc medalı uğrunda Marta Getmanova

(UWW) ilə həlledici sınağa çıxacaq.

Çempionatın geridə

qalan günləri yığmamız üçün məhsuldar keçib. Hazırda Azərbaycanın aktivində 5 medal var.