Portuqaliya futbolunda gözlənilməz təyinat gerçəkləşib. Roberto Martinesin 3 illik fəaliyyətinə son qoyaraq postundan ayrıldıqdan cəmi üç gün sonra, millinin sükanı arxasına 71 yaşlı təcrübəli mütəxəssis Jorje Jejus gətirilib.
Təqdimat mərasimindən sonra məşhur “O Jogo” nəşrinə danışan Jejus, ilk növbədə millinin 41 yaşlı superulduzu Kriştianu Ronaldoya dəstək nümayiş etdirib: “Ronaldı – Portuqaliya futbolunun, millinin və bütövlükdə ölkənin simvoludur. Son bir ildə Səudiyyə Ərəbistanında onunla çiyin-çiyinə işləmək mənim üçün böyük zövq idi. Hər ikimizin nələrə nail ola biləcəyimizi dərk etdikdə, onunla tərəfdaşlıq etmək çox asanlaşır. O, fiziki və oyun baxımından yığmanın səviyyəsinə cavab verdiyi müddətcə, mən komandanın mənafeyi üçün ən doğru addımları atacam. Ronaldu nə mənim, nə də milli komanda üçün heç vaxt problem yaratmaz”. Xatırladaq ki, ötən həftə ulduz futbolçu artıq dünya çempionatlarında çıxış etməyəcəyini bəyan etsə də, milli karyerasını nə vaxt bitirəcəyini açıqlamamışdı.