“Real”a yaxın olan mənbə hazırda hücumçu axtaran “ağlar”ın “Qalatasaray”ın forvardı Viktor Osimheni hədəfə aldığını bildirib. Xatırladaq ki, türklər nigeriyalının keçidinə görə “Napoli”yə 75 milyon avro ödəyiblər. Şübhəsiz, “sarı-qırmızılılar” Osimhenin kluba iqtisadi fayda vermədən getməsinə asanlıqla razılıq verməyəcək. Mənbənin məlumatına görə, bu səbəbdən forvardın transfer dəyəri 100 milyon avronu keçə bilər. Transfermarkt portalı “Qalatasaray”la müqaviləsi 2029-cu ilin yayına qədər olan Osimheni 75 milyon avro dəyərində qiymətləndirir.
Nigeriyalı “Qalatasaray”da 53 oyun keçirib, 46 qol vurub və səkkiz məhsuldar ötürmə edib.
