Sloveniyada təlim-məşq toplanışını davam etdirən “Neftçi” bu gün hazırlıq prosesi çərçivəsində sonuncu sınaq matçına çıxacaq.
Bakı təmsilçisi Xorvatiyanın “Osiyek” klubu ilə gücünü sınayacaq. Lendava şəhər stadionunda təşkil olunacaq qarşılaşmanın start fiti Bakı vaxtı ilə saat 19:30-da səslənəcək.
Qeyd edək ki, “ağ-qaralar” Sloveniya toplanışında keçirdiyi əvvəlki yoxlama oyunlarında Serbiyanın “Partizan” (0:1) və Rumıniyanın “ÇFR Kluj” (1:2) klublarına məğlub olub, Serbiyanın digər təmsilçisi “Radniçki” (Niş) kollektivini isə darmadağın edib (3:0).