Qrup mərhələsini yüzfaizlik nəticə ilə başa vuran Meksika dünya çempionatının 1/16 finalında yalnız son turda Almaniya üzərində əzmkar qələbə qazanaraq pley-offa vəsiqə əldə etmiş Ekvadoru da məğlub etdi. Meydan sahibləri oyuna fəal başladılar, rəqibi dərhal öz qapısı qarşısında sıxışdırdılar və bir neçə təhlükəli hücum təşkil etdilər. Raul Ximenes Romonun uzaq dirəyə ötürdüyü asmanı başla tamamlayarkən qapıya dəqiq zərbə endirə bilmədi. Ardınca Mora uzaq küncə yönəltdiyi zərif zərbə ilə qol vurmağa çox yaxın oldu. Cənubi amerikalılar Yeboanın cərimə meydançasına daxil olması ilə cavab verdilər, lakin qapıçı Ranxel barmaqlarının ucu ilə topu dirəyə yönəltməyi bacardı.
Birinci hissənin ortalarında “yaşıllar” hesabı açdılar. Sürətli əks-hücum zamanı Kinyones cərimə meydançasına daxil olaraq yaxın küncə dəqiq zərbə vurdu və qapıçını hazırlıqsız yaxaladı. Az sonra isə Ordonyezsn səhvindən yararlanan Kinyones məhsuldar ötürmə verdi, Raul Ximenes isə topu doqquzluğa göndərərək hesab arasındakı fərqi artırdı.
Fasilədən sonra Meksika yığması daha çox müdafiədən oynamağa üstünlük verdi və əks-hücumlarda təhlükə yaratmağa davam etdi. Belə hücumlardan biri künc zərbəsi ilə nəticələndi. Montesin baş zərbəsindən sonra Qalindes topu dirəyin altından çıxarmağı bacardı. Kevin Rodriges hesab arasındakı fərqi azalda bilərdi, lakin qapıçı Ranxelin vaxtında irəli çıxması ona dəqiq zərbə vurmağa imkan vermədi.
Oyunun sonlarında Ekvador İnkapyenin intizamsız davranışına görə azlıqda qaldı və bundan sonra komandanın vəziyyəti xilas etməsi artıq mümkün görünmürdü.
Dünya Kuboku, 1/16 final
Meksika – Ekvador 2:0
Mexiko. «Asteka» stadionu. 80824 tamaşaçı.
Hakim: Slavko Vinçiç (Sloveniya)
Meksika: Ranhel, Xorxe Sançes, Montes, Vaskes, Qalyardo, Mora (Qutyerres, 59), Lira, Romo (Varqas, 74), Alvarado (Reyes, 80), Raul Ximenes (Santyaqo Ximenes, 74), Kinyones (Pineda, 80).
Ekvador: Qalindes, Fransko (Presyado, 46), Ordonyes (Medina, 46), Paço, İnkapye, Yeboa (Xordi Kaysedo, 79), Moyses Kaysedo, Vite, Anqulo (Paes, 79), Plata, Valensiya (Rodriqes, 59).
Qollar: Kinyones, 22. Raul Ximenes 31.
Sarı vərəqə: Franko, 45+1. Paes, 90+3. M. Kaysedo, 90+9.
Qırmızı vərəqə: İnkapye, 90+5.